Мерекелік ойындар
Балаңыздың туған күніне дайындықты жалғастырамыз. Бұл мақалада сіз екі жасты тойлау мерекесіне арналған ойын үлгілерін таба аласыз.
Бұл жастағы балалардың мінез-құлқы мен даму деңгейін болжау қиын болғандықтан, балалар да, балалармен бірге ойнайтын ересектер де қатыса алатын қарапайым ойындарды таңдаған дұрыс.
Толқын
Жеңіл, түрлі түсті астарлы мата (3-4 метр) қажет. Екі ересек матаның ұштарын ұстап, бірмезгілде жоғары қарай кенеттен қимылдайды. Толқынның астынан жүгіріп өту керек.
Шаршаған кезде матаны еденге төсеп, баланы ортасына тұрғызыңыз. Біріншіден, матаның ұштарын қозғалтасаңыз (нәресте толқынның ішінде болады) суретке түсетін керемет кадр шығады, екіншіден, Дюймовочка ойынын ойнай аласыз. Мұндай жағдайда мата жапырақшалардың рөлін атқарады. Ашылады – жабылады... Тағы ашылды, тағы жабылды.
Жапсырмалары бар эстафета
Бөлменің бір қабырғасына екі суреті бар плакат іліңіз. Ал қарама-қарсы қабырғасында тұрған аналарға немесе әжелерге жапсырмалар жиынтығын береміз, олар суреттерді негізінен алып, балалардың қолдарына беру керек. Дайындалған жапсырмамен плакаттың қасына жүгіріп барып, желімдеу керек. Бала шаршамас үшін 5-6 рет өзіңіз жүгіріңіз. Бірлескен жұмысты қатты дауыстап мақтаңыз.
Бұл кімнің заты?
Үйдегі тұрғындардың бәрінің заттарын қорапқа салыңыз немесе жай креслоға қойыңыз (анасы, әкесі, әжесінің 2-3 заты болсын). Музыканы қосыңыз! Балаға көзілдіріктің құтысын, әмиян, крем салынған банкалар, шаш қыстырғыштар және т.б. беру керек. Теледидар пульті, қасықтар, журналдар, тарақтар сияқты барлығы пайдаланатын заттарды да қосып қоюға болады. Бала ойлансын!
Ананың құйрығы
Екі ананың беліне лента байлау керек, оның бір ұшы еденге дейін салбырап тұрады. Ол «құйрық» болады. Балалар лентаны алып, аналарының артынан жүгіріп жүреді. Көңілді ән таңдап, шеберлік танытыңыз!
Бейнебаян түсіріңіз
Балаңыздың сүйікті әнін қосып, шынайы бейнебаян жасаңыз: көпіршіктерді үрлеңіз, билеңіз, құшақтасыңыз, шамдарды үрлеңіз.
