Балабақшаға дайындық
Балабақша баланың дамуына әсер ететін маңызды бөлік болып табылады. Алдын ала нені ойлау керек? Бұл жайында 4 айында ойлану тым ерте болып көрінуі мүмкін, бірақ процесс ойдағыдай болу үшін кейбір нәрселерді қазірден бастап-ақ ойлануыңыз керек.
Баланы балабақшада анасыз қалатындай қалай дайындауға болады?
Балабақшаға бір жарым жасында өтініш жаза беруге болады, бірақ белсенді дайындықты 6-7 айдан ертерек бастау керек. Сонда бұл кезең бала мен ана үшін оңай әрі ыңғайлы болады.
Балабақша тәртібіне мүмкіндігінше жақын күн режимін жолға қойыңыз.
Таңертең сағат 7-де тұру
Таңғы сағат 8-де таңғы ас
Таңертеңгі сағат 11-ге дейін серуендеу
Түскі ас: сағат 12
Күндізгі ұйқы сағат 13-тен 15-ке дейін
Кешкі сағат 9-дан кешіктірмей ұйықтату.
Демалыс күндері де осы тәртіпті сақтау керек.
Балаға өзіне қамқорлық жасауды үйретіңіз және бұл іс-әрекетіне деген талпынысты марапаттауға тырысыңыз. Бала үшін бәрін жасаймын деп жүгіре бермеңіз, «оны қалай жасайтынын саған көрсетейін» деген сөздермен көмектесіңіз.
Күнделікті серуендеудің маңыздылығын ұмытпаңыз.
Балабақшаға иммунитетті дайындау үшін балалар алаңында күніне кемінде 3-4 сағат серуендеңіз. Ауа-райына қарай киініңіз және балаңызды басқа балалармен қарым-қатынасқа түсуге ынталандырыңыз. Бұл баланың ұйқысына оң әсер етеді.
Баланы бейтаныс адаммен қалдырудан қорықпаңыз.
Әрине, бұл көшедегі адам болмауы керек, ол балаңыз ешқашан көрмеген құрбыңыз немесе әріптесіңіз болуы мүмкін. 15-20 минут жеткілікті, әрқашан сөзіңізде тұрыңыз және уәде етілген уақыттан ұзаққа кетпеңіз.
Балаға балабақша туралы айтыңыз
Басқа балалар, қызықты іс-шаралар, серуендер мен тағамдар болады деп айтыңыз.
Баламен бірге балабақшаға экскурсияға барыңыз.
Таңертең жаттығу жасауды бастаңыз.
Бала өзі киіп-шеше алатын ыңғайлы киім сатып алыңыз.
Резеңкемен ұсталған шалбарға, кең мойны бар жемпірге, жағымды матадан тігілген колготкаларға назар аударыңыз.
Балабақшаға баратын соңғы аптада медициналық тексеруден өтіңіз.
Баланың бейімделуін жеңілдету үшін
жұмыстан демалыс алыңыз және балаңызды күніне екі сағатқа ғана әкеліңіз. Бұл бейімделу кезеңі, оның барысында нәресте анасыз қалуға дағдыланады.
Бала басын бұрып тұратын тәрбиешіні белгілеп алыңыз. Баламен қоштасу процесі соншалықты ауыр болмас үшін онымен байланыс орнатыңыз және күн сайын таңертең күтіп алуды өтініңіз.
Сөзіңізде тұрыңыз, балаға кешікпей барыңыз.
Егер балабақшаға жақындаған кезде бала жылап, еркелесе, әкесіне/ата-әжесіне/тәтесіне апарып тастаңыз деп қолқа салыңыз. Балаға сенетін, бірақ көз жасын көрсете алмайтын адам қажет. Аналар көбінесе, кішкентай басқарушының ығына жығыла салады.
Қорытынды орнына. Бала балабақшаға барған кезде көп ауырмау үшін оны қалай дайындауға болады.
Айта кетерлік бір жәйт, көптеген дәрігерлер суық тию баланың балабақшадағы әлеуметтенуінің және қоршаған әлемнен басқа микробтар мен бактерияларды алудың бір бөлігі деп санайды. Мұның бәрі бала үшін маңызды және болашақта оның иммунитетін қалыптастыруға көмектеседі.
Бұл уақытты жеңілдету үшін:
Қатаң күн режимін енгізіп, оны ұстаныңыз
Баланы толыққанды және әртүрлі тағамдармен тамақтандырыңыз
Күн сайын жеңіл жаттығулар жасауға дағдыланыңыз
Басқа балалармен мүмкіндігінше таза ауада серуендеңіз.
Баланың ұйқысы, оның ішінде күндізгі ұйқысы дұрыс болғаны маңызды.
Ең бастысы: сабырлы болыңыз. Бақытты ата-ана – бақытты және дені сау баланың кепілі. Егер баланы балабақшаға оңай жіберетін болсаңыз, бала да көп еркелемейді, сонымен қатар жиі суық тию ықтималдығы төмендейді, өйткені бала балабақшадан тезірек кетуге асықпайды, ол жерде көңілді және рақаттана уақыт өткізеді.
