Жаңа туған нәрестеге арналған күнделікті рәсімдер: жөргекті қалай дұрыс ауыстыру керек
Тәжірибесіз аналар мен әкелер үшін жаңа туған нәрестенің жөргегін ауыстыру күрделі әрі қызықты іс болып көрінуі мүмкін, дегенмен іс жүзінде бірнеше қарапайым ережелерді ғана сақтау керек. Баланы ыңғайлылықпен, жайлылықпен және құрғақтықпен қалай қамтамасыз етуге болады? Мақаламыздан оқыңыз.
Жөргекті қаншалықты жиі ауыстыру керек?
Қазіргі заманғы жөргектер ылғалдың арнайы индикаторымен жабдықталған, олар сізге ауыстыратын уақыт келді деген белгі береді. Енді жөргектің өзін ашып, баланың ұйқысын бұзудың қажеті жоқ, енді оны дәретке барған сайын, ұйқыдан оянғанда және тамақтанғаннан кейін тексеріңіз. Сондай-ақ бүлдіршініңізді ұйықтатар алдында немесе серуенге, болмаса алыс сапарға шығар алдында таза жөргек кигізуді ұсынамыз. Алғашқы айларда күніне 15-20 жөргек кетуі мүмкін, бірақ нәресте өскен сайын бұл 5-8 данаға дейін азаяды.
Жөргекті қалай ауыстыруға болады?
Үйде баланың жөргегін ауыстыруға қажетті заттармен жабдықталған арнайы кеңістікті жабдықтауды ұсынамыз. Мұндай орынды бір рет жабдықтап алсаңыз, көп уақытыңызды үнемдейсіз, нәтижесінде қанша жөргек /сулық/ жаялық және ұнтақ қалғанын, нені сатып алу керектігін білесіз. Жөргекті ауыстыратын орын тұрақты және мықты болуы керек. Жөргекті ауыстырар алдында қолыңызды сабындап жууды ұмытпаңыз.
Қолданылған жөргекті шешіп алыңыз да, ылғал әрі жұмсақ сулықтардың көмегімен сәбидің терісін сүртіп, терінің қатпарларына ерекше көңіл бөліңіз. Барлық қозғалыстар алдынан артқа қарай бағытталуы керек. Мұны судың көмегімен де жасауға болады.
15-20 минут терінің кебуіне мүмкіндік беріңіз. Егер үйде болмасаңыз немесе уақытыңыз шектеулі болса, жаңа гигиена құралын бірден кигізіңіз, бірақ келесі жолы ауа ванналарын жіберіп алмаңыз.
Нәрестенің терісі ерекше сезімтал және тітіркенуге бейім екенін сезсеңіз, жақпамай жағыңыз немесе ұнтақ себіңіз, содан кейін ғана жаңа жөргек кигізіңіз.
Баланың аяғын абайлап көтеріп, астына таза жөргек салыңыз. Түрлі түсті таңбалау сізге көрініп тұратындай орналасқанына көз жеткізіңіз.
Жөргекті жабысқағымен мықтап бекітіңіз. Бекітілгенін келесідей жолмен тексеруге болады: жөргектің белбеуі мен дененің арасына екі саусағыңыз сыятындай болу керек, жөргекті тығыз бекітпеген жөн. Сәбиіңіздің іш терісінің қызарғанын байқасаңыз, жөргек тым мықтап бекітілген немесе өлшемі үлкенірек жөргек алу керек дегенді білдіреді.
Күтпеген «душтан» аулақ болу үшін, ұлыңыз болса, жабысқақ ілгектерін ашқаннан кейін жөргекті шешпес бұрын бірнеше секунд күте тұрыңыз, балалардың жаялықты шешкеннен кейін зәр шығаруы жиі кездеседі. Сулық дайындап қойыңыз, онымен баланың жыныс мүшесін жабыңыз, содан кейін ғана жөргекті тастаңыз.
Түнде жөргекті қалай ауыстыруға болады:
Баланың ұйқысын бұзбау үшін тым жарық жарықтандыруды пайдаланбаңыз
Жөргекті тыныштықта ауыстырыңыз және баламен сөйлеспеуге тырысыңыз
Сумен жуып алаңдатпай, дымқыл сулықты қолданыңыз.
Жөргекті ауыстырғаннан кейін балаңызды кеудеңізге қойыңыз.
Сондай-ақ жаңа туған нәрестенің кіндігіне күтім жасауға ерекше көңіл бөлген жөн:
Мүмкіндігінше, жаңа туған нәрестелерге арналған, арнайы кіндік ойығы бар жөргекті таңдаңыз. Бұл оның жазылуын жеңілдетеді.
Дәрігеріңіз ерекше емшаралар тағайындамаса, кіндік аймағын дымқыл мақта тампонымен сүртіңіз.
3
Кіндіктің қалған бөлігі өздігінен түсіп қалады. Бұл әдетте, туғаннан бастап 10-21 күн аралығында орын алады.
Кіндіктің төменгі бөлігі баса назар аударуды қажет етеді, барлық кірді мұқият, бірақ ақырын алып тастаңыз.
Егер баланың кіндігінің айналасынан тітіркенуді байқасаңыз, педиатрмен кеңесіп, күтім жасау құралдарын таңдаңыз.
Жөргекті жиі қолданған жағдайда баланың терісі демалып, тыныс алатындай уақытты таңдаңыз. Бала отыруды үйренген кезде, оны бірден түбекке үйретуге тырысыңыз, бұл қосымша аксессуарлардың көмегіне көп жүгінбеуге көмектеседі.
